Россиялик мутахассис иштирокида маҳорат дарси ташкил этилди

Ана шундай меҳмонлардан яна бири Халқаро тоифадаги спорт устаси, Халқаро спорт тадбирларни ташкил этиш бўйича етакчи мутахассис, Халқаро енгил атлетика федерацияси ва УмумРоссия енгил атлетика спорт ҳакамлари Ҳайъати аъзоси Жгир Борис Андреевич университетга ташриф буюрди. Даставвал меҳмон ва университет вакиллари иштирокида учрашув ташкил этилди.

Учрашувда Ўзбекистон Енгил атлетика федерацияси бош котиби Камолиддин Рўзимуҳаммедов, университетнинг «Спортни бошқариш ва туризм» факультети декани Дилшод Арзиқулов, «Спорт тадбирларини ташкил этиш» кафедраси мудири Комилжон Ярашев, «Спорт менежменти ва иқтисодиёт» кафедраси мудири Комил Зиядуллаев ва «Енгил атлетика назарияси ва услубияти» кафедраси мудири Иқроржон Солиев иштирок этди.

Унда университетда талабаларга яратилган шароитлар, қулайликлар, ўзаро ҳамкорлик қилиш, тажриба алмашиш тўғрисида ўзаро фикр алмашдилар.

Шундан сўнг, университет профессор-ўқитувчилари ва талабаларига Хорижлик меҳмон «Халқаро ва оммавий спорт тадбирларини ташкил этиш ва ўтказиш» мавзусида маҳорат дарси ўтиб берди.

Маҳорат дарсида россиялик мутахассис ва университет профессор-ўқитувчилари, талабалари ўзаро фикр алмашдилар.