31 дек 09:53
Янгиликлар

Бокс/ММА

Рой Жонс 8 февраль куни хайрлашув жангини ўтказади

Тўртта вазн тоифасида собиқ жаҳон чемпиони Рой Жонс (65-9, 47 KO) профессионал фаолиятидаги сўнгги жангини ўтказишини маълум қилди.

Америкалик машҳур боксчининг хайрлашув жанги 8 февраль куни ўзи туғилиб ўсган АҚШнинг Флорида штати, Пенсакола шаҳрида бўлиб ўтади.

“Фаолиятимдаги сўнгги жангимни кўришни истасангиз, 8 февраль куни Пенсаколада сизларни кутаман. Бу менинг сўнгги жангим бўлади”, — деди Жонс.

Pensacola Journal хабарига кўра, ушбу жанг учун чиқарилган чипталарнинг сотуви 5 январдан бошланади. Чипталарнинг энг арзони 20, энг қиммати 50 доллардан сотилади.