Рўзиқул Бердиев "Ал Садд" устидан қозонилган ғалабадан сўнг нималар деди?

Рўзиқул Бердиев: "Барчага ҳайрли кеч! Бугун ўйинни яхши ташкил қилдик. Рақибнинг кучли тарафларини ҳам ёпишга ҳаракат қилдик. Футболчиларимиз бунинг уддасидан чиқишди. Иккинчи бўлимда ҳужумда яхши ўйнадик. Бу ерга келишимиздан мақсадимиз анчагина жиддий эди. Ўйлайманки, буни ўйинларимиз билан кўрсатяпмиз.

Кеча ҳам айтгандим, ҳужумни якунлашда фақат ҳужумчилар эмас, бошқа футболчилар ҳам қўшилиши керак, деб. Бу нарса амалда бугун исботини топди. Бу руҳият билан боғлиқ масала. Ўйлайманки, ушбу ўйиндан сўнг барчаси янада яхши бўлади". 

Акмал Мозговой: "Бугун яхши жамоани ютдик деб ўйлайман. Биз яхши ўйин ташкил қила олдик. Мураббийнинг барча кўрсатмаларини бажардик. Келаси ўйин ҳам чиройли ўйин кўрсатиб, мухлисларимизни хурсанд қилишга ҳаракат қиламиз".

Савол: Акмал, сиз ҳақиқий таянч ярим ҳимоячиси ҳисобланасиз. Лекин фақат бугунмас, аввалги ўйинлардам ҳам шундай эпизодлар бўлдики, сизда кўп яхши имкониятлар бўляпти, бугун ҳам иккита гол урдингиз. Бу нарсалар мураббий кўрсатмасими?

Акмал Мозговой: "Мураббийимиз ҳам айтади, кўп ҳолатларда кимдир олдинга борса, кимда орқада қолиш керак, деб. Вазиятга қараб ўйнаймиз. Айрим ҳолатларда ўзим чиқяпман".