11 янв 09:11
Янгиликлар

Теннис

Сабина Шарипова Australian Open турнирида кортга чиқди

Мельбурн шаҳрида “Катта Дубулға” туркумига кирувчи Австралия Очиқ чемпионатининг саралаш баҳслари бошланди.

Ушбу мусобақада ҳамюртимиз Сабина Шарипова ҳам иштирок этяпти. Мамлакатимизнинг биринчи ракеткаси саралашнинг илк даврасида россиялик Евгения Родинага қарши кортга чиқди. Родина саралашнинг иккинчи рақамли теннисчи ҳисобланади.

Бунгача теннисчилар ўзаро бир маротаба тўқнаш келишганди. 2017 йилнинг 7 ноябрь куни бўлиб ўтган ўйинда теннисчимиз рақибига 1:2 ҳисобида ютқазиб қўйганди. Бир соату 19 дақиқа давом этган бу сафарги учрашувда ҳам Родина 6:3, 6:4 ҳисобида ғалаба қозонди.

Таққослаш учун, Сабина Шарипова дунё рейтингида бугунги кунда 176-ўринни эгаллаб турибди. Евгения Родина эса 114-поғонадан жой олган.