07 дек 23:26
Янгиликлар

Бокс/ММА

Санжар Раҳмонов 05:30да рингга кўтарилади. Жангни қаерда кўриш мумкин?

Афсонавий Флойд Мэйвезерга қарашли промоутерлик компанияси мижози бўлган боксчимиз Санжар Раҳмонов эртага, 8 декабрь куни Тошкент вақти билан соат 05:30да ўзининг навбатдаги жангини ўтказади.

Чарм қўлқоп устамиз АҚШнинг Невада штати Лас-Вегас шаҳрида мезбон боксчи Жонатан Стилга қарши рингга кўтарилади. Бу Санжар учун фаолиятидаги 13-жанг бўлади. Шу кунгача у проф боксда 12та жанг ўтказиб, уларнинг 10тасида ғалаба қозонган (5таси нокаут билан). Битта жангда дуранг ва яна бирида мағлубият қайд этган.

Санжар Раҳмоновнинг рақиби Жонатан Стил эса шу пайтгача профессионал боксда 10 маротаба рингга кўтарилган. Ушбу жангларининг 8тасини ғалаба билан якунлаган (6 таси нокаут). Ҳамюртимиз сингари битта жангда дурангга рози бўлган, яна бирида мағлубият аламини тотиб кўрган.

Санжар Раҳмонов ва Жонатан Стил ўртасидаги қизиқарли кечиши кутилаётган жангни Флойд Мэйвезерга тегишли Mayweather Promotions промоутерлик компаниясининг facebook тармоғидаги расмий сахифасида жонли томоша қилишингиз мумкин.

Шу линкда https://m.facebook.com/MayweatherPromotions/