01 янв 19:27
Янгиликлар

Футбол

Санжар Шоаҳмедов фаолиятини Малайзия клубида давом эттиради

"Локомотив" клуби таркибида Ўзбекистон чемпиони бўлган ярим ҳимоячи Санжар Шоаҳмедов "темирйўлчилар" сафини тарк этди.

Аниқроғи, Шоаҳмедов Малайзиянинг "Теренггану" жамоаси билан шартнома имзолади. "Теренггану" сафида ўз вақтида ўзбекистонлик яна бир футболчи Лутфулла Тўраев ҳам тўп тепган эди.

Маълумот учун, Санжар Шоаҳмедов иккинчи бор хориж клубида ўйнайди. Бунга қадар у Қатарнинг "Ал Сайлия" клуби шарафини ҳимоя қилган эди. "Теренггану" 2018 йил Малайзия Суперлигасида 12та жамоа орасида 6-ўринни эгаллаганди.