23 янв 11:12
Янгиликлар

Бокс/ММА

Санжарбек Раҳмонов шу ҳафта жанг ўтказади

Флойд Мэйвезерга қарашли промоутерлик компаниясида фаолият олиб бораётган ҳамюртимиз Санжарбек Раҳмонов 27 январь куни навбатдаги жангини ўтказади.

Боксчимизга бўлажак жангда америкалик Хайлон Уильямс рақиблик қилади. Тўқнашув 27 январь куни Лас-Вегасдаги жанг оқшомида ўтказилади.

Маълумот учун, Санжар профессионал фаолияти давомида 10та жанг ўтказиб, шуларнинг 9тасида ғалаба қозонган. Битта жангда эса дуранг қайд этилган.

АҚШлик боксчи эса бугунги кунгача 21та жангда рингга чиққан. Шулардан 16тасида Уильямснинг қўли баланд келган. Тўрт маротаба эса у мағлубиятга учраган. Яна битта жангда дуранг натижани расмийлаштирган.