06 сен 07:35
Янгиликлар

Футбол

Саудия Арабистони – ЖЧ-2018нинг саккизинчи иштирокчиси!

ЖЧ-2018 саралаш босқичи Осиё минтақаси “В” гуруҳида иштирок этаётган Саудия Арабистони терма жамоаси ўз майдонида Японияни 1:0 ҳисобида мағлуб этиб, ЖЧ-2018 йўлланмасига эга чиқди.

Ҳамюртимиз Валентин Коваленко бошқариб борган ўйиннинг 63-дақиқасида Яҳё Ал Шеҳри томонидан киритилган ягона гол саудияликларни Россияга йўлланма олишлари учун етарли бўлди.

Ушбу ғалабадан кейин голландиялик мутахассис Ван Мервейк бошқараётган терма жамоанинг очколари сони 19 тага етди. Улар тўплар нисбатидаги ижобий кўрсаткич туфайли Австралияни ортда қолдириб, гуруҳда иккинчи ўринни банд этишди.

Энди плей-офф беллашувларида Сурия ва Австралия терма жамоалари ЖЧ йўлланмаси учун юришларини давом эттиришади.

Саудия Арабистони терма жамоаси эса Россия, Бразилия, Эрон, Япония, Мексика, Белгия ва Жанубий Кореядан кейин саккизинчи бўлиб ЖЧ-2018 йўлланмасини қўлга киритган жамоага айланди.