16 мар 17:41
Янгиликлар

Бокс/ММА

Сауль Альварес 3 маротаба допингга тест топширди, уччаласида ҳам “тоза” чиқди

Профессионал бокснинг ўрта вазн тоифасида собиқ жаҳон чемпиони Сауль “Канело” Альварес ўз хоҳишига кўра 3 маротаба допинг-тест назоратидан ўтди.

Таҳлиллар боксчининг қон таркибида таъқиқланган модда йўқлигини кўрсатди. Бир муддат аввал мексикалик боксчининг қон таркибидан таъқиқланган кленбутерол моддаси борлиги аниқланган эди. Альварес 2, 5 ва9 март кунлари бир эмас, уч маротаба допингга тест топширган.

Мексикалик боксчининг вакиллари Саулнинг допингдан ҳоли эканлиги ва жангга тайёрлигини маълум қилишди. Тўртта йўналишда жаҳон чемпиони бўлиб турган қозоғистонлик Геннадий Головкин 5 май куни реванш жангида Альваресга қарши рингга кўтарилади.