28 мар 15:38
Янгиликлар
Бокс/ММА
Сауль Альварес 6 ойга дисквалификация қилиниши мумкин
Профессионал бокснинг ўрта вазн тоифасида 3та йўналиш чемпиони Геннадий Головкин ҳамда даъвогар Сауль Альварес ўртасидаги 5 май кунига белгиланган жанг ўтказилмаслиги мумкин.
ESPN телеканали эксперти, АҚШдаги энг машҳур бокс шарҳловчиси Дэн Рафаэль берган маълумотга кўра “Канело” Альварес ва Головкин ўртасидаги реванш жанги 17 августдан олдинги муддатда ўтказилмайди.
“Шуни ишонч билан айта оламанки, ушбу жанг 5 май куни ўтказилмайди. Бокс оламида катта нуфузга эга бўлган инсонлар билан суҳбат мазмунига таянган ҳолда бу маълумотни иккиланишсиз айтяпман.
Альваресни допинг қабул қилгани учун 6 ойга четлатишлари кутиляпти. Канело 17 ва 20 февраль кунлари допинг-текширувдан ўтган. Жазо ҳам айнан ўша санадан кучга киради. Шунда бу жанг камида 17 август куни ўтказилиши мумкин”, - деди Рафаэль.
Ҳавола :
Фикрлар