18 окт 09:27
Янгиликлар

Бокс/ММА

Сауль Альварес спорт тарихидаги энг катта шартномага имзо чекди

Профессионал бокснинг ўрта вазн тоифасида WBC ва WBA йўналишлари чемпиони Сауль Альварес Американинг DANZ стриминг платформаси билан шартнома имзолади.

Келишувга кўра, мексикалик жаҳон чемпиони ушбу компания билан 5 йиллик ҳамкорлик учун 365 миллион доллар олади. Шартномага биноан Альварес 5 йил ичида 11та жанг ўтказиши керак бўлади.

Бу спорт тарихидаги энг катта шартномага айланди. Бундан аввалги рекорд бейсболчи Жанкарло Стэнтонга тегишли бўлиб, у “Майами” жамоаси билан 325 миллион долларга тенг 13 йиллик шартнома имзолаган эди.