Сербиялик модель: Жоковични йўлдан оздириш учун менга 60 минг евро таклиф қилишганди

"Мен Лондонда эдим ва бир йигит менга мурожаат қилди. Бу йигитни таниқли менежер деб билардим. У учрашув тайинлади ва мен буни модель бизнеси бўйича деб ўйладим. Тез орада адашганимни англадим.

У менга: "Новакни йўлдан оздириб, уни суратга олиш керак", - деди. Мен дарҳол бу ҳазил, қаердадир яширин камера бор деб ўйладим.

Менежер 60 минг евро ва дунёнинг исталган нуқтасига саёҳат қилишимни айтди. Мен кулиб қўйдим: "Бу ҳазилми?". Йигит кулмади ва у жуда жиддий эди.

Шундан сўнг мен ўзимни хўрлангандек ҳис қилдим. Улар моделлар ҳақида ҳар хил гапларни айтишади, лекин мен тўғри ишлашни хоҳлайдиган ҳалол одамман. Менга пул учун шу ишни қилишни таклиф қиляпсизми? - дедим. Мен бу менежерга тарсаки туширмоқчи эдим, лекин биз жамоат жойида эдик.

Мен ўрнимдан туриб кетдим. Умид қиламанки, бу таклифга бошқа ҳеч ким рози бўлмади. Жокович мукаммал, у оилапарвар спортчи сифатида намунадир", - дея Шекичнинг сўзларини келтиради Svet-Scandal.