05 янв 09:34
Янгиликлар

Теннис

Серена Сиднейдаги турнирда қатнашишдан бош тортди

Дунёнинг собиқ биринчи ракеткаси Серена Уильямс келаси ҳафта Сидней шаҳрида ўтказиладиган WTA Premier турнирида иштирок этмасликка қарор қилди.

Мусобақа ташкилотчилари Серенага тўғридан-тўғри асосий тўрда қатнашиш ҳуқуқини берувчи wild-card, яъни имтиёзли йўлланма тақдим этишган эди. Америкалик теннисчи бу қарорини бор эътиборини Australian Open мусобақасига қаратганлиги билан изоҳлади.

Маълумотларга қараганда, турнир ташкилотчилари ва Серена Уильямс ўртасидаги музокаралари уч ой давом этган. Якунда теннисчи Australian Open мусобақасига муносиб тарзда тайёргарлик кўришни афзал билган.