Серена Уильямс Навратилованинг рекордини такрорлади

Америкалик теннисчи АҚШ Очиқ чемпионатининг иккинчи даврасида Ваня Кингни 6:3, 6:3 ҳисобида мағлуб этди. Ушбу муваффақият Уильямс учун “Катта Дубулға” туркумига кирувчи турнирлардаги 306-ғалаба бўлди.

Серена энди учинчи босқичда дунёнинг 47-ракеткаси швециялик Йоанна Ларссонга қарши кортга чиқади. Агар Уильмяс бу учрашувда ҳам ғалаба қозонса, мутлоқ рекордчига айланади.

Шунингдек, агар Серена АҚШ Очиқ чемпионатида ярим финалга қадар етиб борса, рейтингда узлуксиз пешқадамлик бўйича ҳам рекорд соҳибасига айланади. Ҳозирча бу рекорд 182 ҳафталик пешқадамлик билан германиялик Штеффи Графга тегишли.