29 ноя 13:03
Янгиликлар
Теннис
Серенанинг “Australian Open-2018”да қатнашиши ҳали маълум эмас
Америкалик теннис юлдузи Серена Уильямснинг “Катта Дубулға” туркумига кирувчи Австралия Очиқ чемпионатидаги иштироки номаълумлигича қолмоқда.
Australian Open мусобақаси “Катта Дубулға” туркумига кирувчи турнирларнинг дастлабкиси ҳисобланади ва январь ойининг охири февралнинг бошларида Мельбурн шаҳрида ўтказилади.
Ҳозирча “Катта Дубулға” турнирларининг 23 карра ғолибаси бўлган Серена Уильямснинг ушбу мусобақадаги иштироки маълум эмас. Бу маълумотни америкалик ракетка устасининг мураббийи Патрик Муратоглу ҳам тасдиқлади. Серена 1 сентябрь куни фарзандли бўлган эди.
“Серена бир ҳафталик таътилдан сўнг яна машғулотларга қайтди. Тез орада мен Флоридага йўл оламан ва машғулотларга қўшиламан. Унинг ўша пайтдаги ҳолатидан келиб чиқиб, Australian Open турнирида иштирок этиш ёки қатнашмаслик юзасидан бир қарорга келамиз”, — деди Муратоглу.
Ҳавола :
Фикрлар