13 окт 17:40
Янгиликлар

Бокс/ММА

Шаҳрам Ғиёсов АҚШга жўнаб кетди + ФОТО

Бокс бўйича жаҳон чемпиони, бугунги кунда проф рингда фаолиятини давом эттираётган спортчимиз Шаҳрам Ғиёсов АҚШга жўнаб кетди.

Эслатиб ўтамиз, фаолиятида ҳозирча энг охиргиси бўлиб турган жангни 22 сентябрь куни Лондондаги "Уэмбли" стадионида никарагуалик Хулио Лагунага қарши ўтказган ва рақибини тўртинчи раунддаёқ нокаутга учратганди.

Энди эса у навбатдаги жангини ўтказиш учун яна океанортига йўл олди. Ҳозирча навбатдаги жанг санаси ва рақиб ҳозирча номаълум.

Спортчи ижтимоий тармоқдаги саҳифасига бошқа бир профессионал боксчимиз Улуғбек Ҳақбердиев билан бирга тушган суратини жойлаштирган ва "Ҳайр Ўзбекистон, Салом Америка! Кўришгунча, Ватаним!" деб изоҳ қолдирган.