22 сен 22:29
Янгиликлар

Бокс/ММА

Шаҳрам Ғиёсов "Уэмбли"да ўзининг навбатдаги жангини ўтказди

Профессионал боксда фаолиятини давом эттираётган ҳамюртимиз Шаҳрам Ғиёсов Лондондаги машҳур "Уэмбли" стадионида ўзининг навбатдаги жангида рингга кўтарилди.

Ушбу баҳсда боксчимизга никарагуалик Хулио Лагуна рақиблик қилди. Саккиз раундга мўлжалланган жанг муддатидан олдин якунланди. Ҳамюртимиз тўртинчи раундда кетма-кет зарбалар серияси эвазига рақибини мувозанатдан чиқарди. Ҳакам шу ондаёқ никарагуалик боксчининг нокаутини қайд этди.

Бу Шаҳрам учун проф рингдаги бешинчи жанг эди. Боксчимизнинг ғалабалари сони ҳам бештага етди. Уларнинг тўрттасини Ғиёсов нокаут эвазига қўлга киритган.