Шаҳрам Ғиёсов ва Эммануэль Тейлор кўз уриштиришди ФОТО

Мағлубият ва муроса нималигини билмай келаётган ҳамюртимиз Тошкент вақти билан 27 апрель куни тонгда ўзининг навбатдаги жангини ўтказади. АҚШнинг Калифорния штати Лос-Анжелес шаҳрида бўлиб ўтадиган жангда чарм қўлқоп устамизга америкалик боксчи Эммануэль Тэйлор рақиблик қилади. 

Жанг WBA Intercontenintal чемпионлик камари учун кечади ва 10 раунддан иборат бўлади. Бугун тонгда боксчилар ўзаро кўз уриштириш маросими ҳамда матбуот анжуманида иштирок этишди. Эртага тонг саҳарда тарозидан ўтиш маросими ўтказилади.   

Маълумот учун, Шаҳрам шу кунгача проф рингда 7 та жанг ўтказиб, уларнинг барчасида ғалаба қозонган (6 та нокаут). Тэйлор эса 25 маротаба рингга кўтарилиб, уларнинг 20 тасида ғалаба қозонган (14 та нокаут). Бешта жангда мағлуб бўлган (1 та нокаут). Фаолиятидаги ягона нокаутини 2017 йилнинг 6 май куни Лукас Маттисдан қабул қилган.