Шаҳрам Ғиёсов ва Эммануэль Тейлор тарозига чиқди ФОТО

Оқшомнинг илк жангида ҳаваскор бокс бўйича жаҳон чемпиони, Олимпия ўйинларининг кумуш медали совриндори Шаҳрам Ғиёсов рингга кўтарилади. Мағлубият ва муроса нималигини билмай келаётган чарм қўлқоп устамизга америкалик Эммануэль Тэйлор рақиблик қилади. 

WBA Intercontenintal чемпионлик камари учун кечадиган жанг 10 раунддан иборат бўлади. Бугун тонгда боксчилар анъанага кўра тарозидан ўтиш маросимида иштирок этишди. Ҳар икки боксчи ҳам белгиланган вазн (63,5 кг) меъёрини бажаришди.  

Маълумот учун, Шаҳрам шу кунгача проф рингда 7 та жанг ўтказиб, уларнинг барчасида ғалаба қозонган (6 та нокаут). Тэйлор эса 25 маротаба рингга кўтарилиб, уларнинг 20 тасида ғалаба қозонган (14 та нокаут). Бешта жангда мағлуб бўлган (1 та нокаут). Фаолиятидаги ягона нокаутини 2017 йилнинг 6 май куни Лукас Маттисдан қабул қилган.