15 июл 09:50
Янгиликлар
Теннис
Шарипова Ферсмолд турниридаги иштирокини якунлади
Германиянинг Ферсмолд шаҳрида ўтказилаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.
Соврин жамғармаси 60 000 АҚШ доллардан иборат ушбу мусобақада ҳамюртимиз Сабина Шарипова ҳам иштирок этди. Мамлакатимизнинг биринчи ракеткаси турнирда иккинчи рақам остида ҳаракат қилди.
Афсуски, Шарипова чорак финалда чехиялик Анастасия Зарискага 6:4, 4:6, 2:6 ҳисобида имкониятни бой бериб қўйди ва мусобақадаги иштирокини муддатидан аввал якунлади.
Маълумот учун, Сабина илк даврада германиялик Катерина Герлахдан 3:6, 6:2, 6:1, иккинчи босқичда япониялик Миса Егучидан 6:3, 6:2 ҳисобида устун келган эди.
Ҳавола :
Манба : olamsport.com
Фикрлар