20 ноя 08:35
Янгиликлар

Теннис

Шарипова Мумбайдаги турнирда, у бугун кортга чиқади

Мамлакатимизнинг биринчи рақамли теннисчиси Сабина Шарипова Ҳиндистоннинг Мумбай шаҳрида ўтказилаётган турнирда иштирок этади.

Ҳамюртимиз “Челленжер” туркумига кирувчи ушбу мусобақанинг асосий тўр баҳсларида ўз имкониятини синовдан ўтказади. Қуръа натижасига кўра Сабина илк даврада россиялик Ирина Хромачёвага қарши кортга чиқади.

Турнирда саккизинчи рақам остида таснифланган Хромачёва дунё рейтингида 162, Сабина Шарипова эса 196-ўринни эгаллаб турибди. Икки теннисчи шу пайтгача ўзаро тўқнаш келишмаган. Шарипова - Хромачёва баҳси Тошкент вақти билан соат 14:30да бошланади.