05 май 15:44
Янгиликлар

Дзюдо

Шарофиддин 1/4 финалда, икки Дилшодда эса + ФОТО

Қозон шаҳрида дзюдо бўйича "Катта Дубулға" туркумига кирувчи турнирнинг биринчи кунги саралаш беллашувлари давом этмоқда.

Ўзбекистонлик дзюдочиларнинг ушбу мусобақадаги иштирокини ғалаба билан бошлаган Шарофиддин Лутфуллаев чорак финал иштирокчисига айланди. -60 кг вазн тоифасидаги тажрибали дзюдочимиз иккинчи босқичда қозоғистонлик Бауржан Нарбаевни мағлубиятга учратди. Шарофиддиннинг ярим финал чиптаси учун кечадиган беллашувдаги рақиби россиялик Рамазан Абдуллаев бўлади.

Афсуски, Дилшодбек Баратов ва Дилшодбек Йўлдошев иккинчи босқич учрашувларида мос равишда россиялик тажрибали дзюдочилар - Роберт Мшвидобадзе ҳамда Арам Григорянга имкониятни бой бериб, мусобақадаги иштирокларини якунлашди. Аммо, умумий таассурот ёмон бўлмади.