04 июн 13:58
Янгиликлар

Дзюдо

Шарофиддин Болтабоев ва Муроджон Йўлдошев ғалаба билан бошлашди

Грузия пойтахти Тбилиси шаҳрида "Катта Дубулға" туркумига кирувчи нуфузли турнир давом этмоқда.

Айни дақиқаларда мусобақанинг иккинчи кунги саралаш беллашувлари ўтказиляпти. -73 кг вазн тоифасидаги дзюдочимиз Муроджон Йўлдошев иккинчи даврада қозоғистонлик Ангсарбек Гайнуллинни мағлуб этди. -81 кг вазндаги биринчи рақамли вакилимиз Шарофиддин Болтабоев яна бир қозоғистонлик дзюдочи Барак Аркабайни қўшимча дақиқаларда чиройли усул билан таслим этди.

Афсуски,бу вазндаги иккинчи дзюдочимиз, Ўзбекистон чемпионатининг бронза медали совриндори Улуғбек Ўроқов илк беллашувида украиналик Хеворг Манукянга имкониятни бой бериб, мусобақадаги иштирокини якунлади. Бу Улуғбек учун илк "Катта Дубулға" турнири эди.

Энди Йўлдошев учинчи босқичда италиялик Луижи Сентраччиога, Болтабоев эса грузиялик Димитри Гочилаидзега қарши татамига чиқади.