10 мар 16:53
Янгиликлар

Бокс/ММА

Шевченко UFC 238 шоусида октагонга чиқади, рақиб маълум!

Аралаш қоидалар бўйича енгил вазнда UFC чемпиони Валентина Шевченко камарини ҳимоя қилади.

Қирғизистонлик жаҳон чемпиони 8 июнь куни АҚШнинг Чикаго шаҳрида ўтказиладиган UFC 238 турнири доирасида ўз камарини илк бор ҳимоя қилади. Шевченконинг рақиби америкалик Жессика Ай бўлади

Жессика кетма-кет учта жангда ғалаба қозонган. Сўнгги жангида 8 декабрь куни UFC 231 турнирида Кэйтлин Чокагянни мағлубиятга учратган эди. Ай ММАда жами 20та жанг ўтказиб, уларнинг 16тасида зафар қучган.

Валентина Шевченко айнан Ай иштирок этган UFC 231 оқшомида Йоанна Енжейчикни ҳакамларнинг бир овоздан берган баҳосига кўра очколар ҳисобида мағлуб этганди. Валентина ММАда 19та жанг ўтказган. Унинг ҳисобида 16та ғалаба бор.