Шифокорлар комадаги Адониснинг ҳолати юзасидан баёнот беришди

Канадалик боксчи айни пайтда ушбу тиббиёт муассасасининг жонлантириш бўлимида кома ҳолатида ётибди. Марказ ходимлари боксчининг оила аъзолари илтимосига кўра Стивенсоннинг ҳолати юзасидан баёнот беришди. 

“Стивенсон шанбадан якшанбага ўтар кечаси операция қилинди. Ўшандан бери у жонлантириш бўлимида қоляпти. У бош миясидан жиддий жароҳат олган. Боксчининг ҳолатини барқарор дейиш мумкин, лекин ҳамон хавф ортда қолгани йўқ”, - дейди жонлантириш бўлими бош шифокори. 

Эслатиб ўтамиз, украиналик Александр Гвоздик Адонис Стивенсонни нокаутга учратиб, канадалик боксчининг чемпионлик камарига эга чиққанди. Нокаутдан сўнг рингда ўзига келган Адониснинг кийиниш хонасида аҳволи яна оғирлашган ва бунинг натижасида шифохонага олиб кетилган эди.