Шофайзиев Телави турнири жуфтлигида финалга чиқди

Ҳамюртимиз мукофот жамғармаси 10 минг АҚШ долларини ташкил қилувчи ушбу мусобақанинг яккалик баҳслари илк даврасида бразилиялик Кайо Сильвага 3:6, 7:6(3), 6:7(5) ҳисобида имкониятни бой берганди.

Жуфтлик мусобақасида эса у муваффақиятли одимлаяпти. Шониғмат грузиялик Георге Цивадзе билан учинчи рақамли жуфтликни хосил қилган. Улар ярим финал учрашувида украиналик теннисчилар – Олександр Бьеленский ҳамда Олег Приходкони 7:5, 6:3 ҳисобида мағлуб этишди.

Украиналик бу теннисчилар илк даврада турнирнинг биринчи рақамли жуфтлигини баҳслардан чиқариб юборганди. Энди Шониғмат ва Георге бош мукофот учун кечадиган учрашувда мусобақанинг иккинчи рақамли жуфтлиги, австралиялик теннисчилар – Митчел Уильям Робинс ҳамда Томас Фанкатга қарши кортга чиқишади.