Шофайзиев Телави турнири вице-чемпионига айланди

Ҳамюртимиз мукофот жамғармаси 10 минг АҚШ долларини ташкил қилувчи ушбу мусобақанинг яккалик баҳслари илк даврасида бразилиялик Кайо Сильвага 3:6, 7:6(3), 6:7(5) ҳисобида имкониятни бой берганди.

Жуфтлик мусобақасида эса финалга қадар мағлубиятсиз етиб келди. Шониғмат грузиялик Георге Цивадзе билан учинчи рақамли жуфтликни хосил қилганди. Улар бош мукофот учун кечган учрашувда мусобақанинг иккинчи рақамли жуфтлиги, австралиялик теннисчилар – Митчел Уильям Робинс ҳамда Томас Фанкатга 6:4, 3:6, тай-брекда 11:13 ҳисобида имкониятни бой беришди.