Шоҳжаҳон Эргашев май ойида рингга чиқишига ишора қилди + ФАКТ

Биринчи яримўрта вазнда ўзбекистонлик профессионал бокс устаси Шоҳжаҳон Эргашев (23-0) Инстаграм тармоғидаги расмий саҳифаси орқали навбатдаги жанги май ойида бўлиши мумкинлигига ишора қилди.

"Уч ой тайёргарликдан сўнг жангим май ойида бўлишини билганимдан сўнг)", - дея суратни изоҳлаган Эргашев.

Ҳамюртимиз ҳозирча рақиб номи ва жанг мақоми ҳақида маълумот бермаган. Эргашев январь ойида мухлисларининг "Жанг қачон?" қабилидаги саволига "Февраль ойида", - дея жавоб бергани кўпчиликнинг ёдида бўлса керак.

Аввалроқ, IBF Эргашев ва британиялик Жек Кеттеролга Eliminator жанги учун расмий таклиф юборгани ҳақида хабар берган эдик.