Шомуродов? Париж Олимпиадасида Ўзбекистон таркибида ёши катта футболчилардан кимлар қатнашиши маълум

Кеча Ҳусанов ва Файзуллаев ОТЖ таркибига қачон келиб қўшилиши ҳақида хабар берган эдик.

Ҳусанов ва Файзуллаев қачон Ўзбекистон U-23 терма жамоаси ихтиёрига қўшилади?!

Бош мураббий Тимур Кападзе олимпиадага 3 нафар ёши катта футболчи олиб кетишни мўлжалламоқда. Бу ҳақда сайтимиз журналисти Толибжон Қосимов маълум қилди. Булар:

Элдор Шомуродов ("Рома")

Остон Ўрунов ("Персеполис")

Акмал Мозговой ("Насаф")

Ушбу 3 нафар ёши катта футболчилар рўйхати "Насаф" ҳимоячиси Алибек Давроновнинг жароҳати қай даражада жиддийлиги ва даволаниш давомийлигига қараб ўзгариш эҳтимоли мавжуд. Яъни, юқоридаги футболчилардан бири қайсидир марказий ҳимоячи (катта эҳтимол билан Ҳусниддин Алиқулов)га алмаштирилиши мумкин.

Эслатиб ўтамиз, Олимпиада учун жамоалар фақатгина 18 нафар футболчини "заявка" қилишлари мумкин. Бундан ташқари, яна 4 нафар ўйинчини захира варианти сифатида рўйхатдан ўтказиш мумкин. Мусобақа пайти 18 таликдан кимдир жароҳат олиб ёки бетоб бўлиб қолган ўйинларда ўйнай олмаса, унинг ўрнига ўша 4 нафар захирадаги футболчилардан бирини "заявка"га киритиш мумкин бўлади.