Шон Портер WBC камарини ҳимоя қилди

Портер камари учун расмий даъвогар Йорденис Угасга қарши рингга кўтарилди. Жанг 12 раунд тўлиқ давом этди ва ғолиб номи очколар ҳисобига кўра аниқланди. 

Ҳакамлардан икки нафари 116-112 ва 115-113 ҳисобидаги ғалабани амалдаги чемпионга беришди. Учинчи ҳакам эса Угаснинг 117-111 ҳисобида ғалаба қозонганини маълум қилди. CompuBox статистикаси берган маълумотда Портернинг 515та зарбасидан 144таси аниқ манзилга етиб боргани кўрсатилган. Угасда бу кўрсаткич 449га 128 кўринишида бўлди.