23 апр 06:59
Янгиликлар

Футбол

Шота Арвеладзе: Дуранг мағлубиятдан кўра яхшироқ эди

"Пахтакор" устози Шота Арвеладзе "Ал Садд"га учралган мағлубиятдан (1:2) сўнг ўз фикрларини билдирди.

"Ўйин биз кутгандек кечди. Қийин учрашув бўлди. Яхши ўйин кўрсатдик, аммо натижа биз учун ижобий бўлмади.

Рақиб услубини ўзгартирмади, аммо ҳужумларини турлича уюштиришга интилди. Уларнинг ўйини сюрприз бўлгани йўқ. Рақиб ўз фалсафасига мос ҳолда ҳаракат қилди. Гуруҳдаги ҳолат ҳамон мураккаблигича қолмоқда.

Деярли ўйин якунигача дуранг натижа бўлиб турганди. Дуранг мағлубиятдан кўра яхшироқ эди" - деди Арвеладзе.

Эслатиб ўтамиз, кечаги ғалабадан сўнг "Ал Садд" 7 очко билан пешқадам бўлиб турибди. Кейинги ўринларни "Ал Аҳли" (6), "Пахтакор" (5) ва "Персеполис" (4) жамоалари банд этишган.