Шота Арвеладзе: "Ҳар доим ҳам мақсадга эришиб бўлмайди, чунки бошқалар ҳам меҳнат қилади"

- Чемпионат бошланишига оз вақт қолди ва тўлиқ диққатни жамлаб, унга тайёр бўлишимиз керак. Йиғинда футболчиларнинг ўзига ишончи ортиши ва жисмоний тетик ҳолатда бўлишларига эришишга ҳаракат қиламиз. Бошланган ишни охирига етказиб, Суперлига стартига юқори даражада кириб боришга интиламиз. 

Футболда ҳар доим ишлашда давом этиш лозим. Ҳамиша ҳам мақсадга эришилмайди, бошқалар ҳам меҳнат қилади ва улар сенга ҳалал беради. Бизда хатоларимизни кўрсатиб берган ўйинлар бўлди. Энди уларни бартараф этиш устида ишлаймиз.

Клуб раҳбариятига мавсумга кўнгилдагидек ҳозирланиш учун дастлаб Туркия ва энди БААда яхши шароитда йиғин ташкил қилиб бергани учун раҳмат айтаман, - деди Шота Арвеладзе.