13 апр 07:08
Янгиликлар

Футбол

Шукуровнинг "Шаржа"си чемпионлик сари яна бир қадам ташлади

Ҳамюртимиз Отабек Шукуров тўп тепаётган "Шаржа" клуби мавсумни кўтаринки кайфиятда давом эттирмоқда.

"Банияс" меҳмони бўлган шаржаликлар иродали ғалабани қўлга киритишди. Учрашувнинг 3-дақиқасида Сухаил Ахмед Ал Нуби тезкор голи эвазига ҳисобни очган бўлса, биринчи бўлим якунланишга 10 дақиқа қолганида Игор Коронадо мувозанатни тиклади - 1:1.

Иккинчи бўлимнинг 74-дақиқасида Коронадо пенальтини аниқ амалга оширган ҳолда "Шаржа"га 3 очко келтирган гол муаллифига айланди. Баҳсда Отабек Шукуров жароҳати боис иштирок этмади.

Ушбу ғалабадан сўнг, шаржаликлар ҳисобидаги очко 50 тага етди. Уларнинг энг яқин таъқибчиси "Ал Айн" 38 очкога ва 1 та ўйин захирасига эга бўлиб турибди.