27 сен 08:05
Янгиликлар
Теннис
Shymkent Open. Беш теннисчимиздан фақат бир нафари иккинчи даврага чиқди
Қозоғистоннинг Чимкент шаҳрида теннис бўйича мукофот жамғармаси 25 000 АҚШ долларини ташкил қилувчи турнир давом этмоқда.
Турнирнинг асосий тўр баҳсларида беш нафар теннисчимиз иштирок этиши ҳақида хабар берган эдик. Улардан фақат бир нафаригина ғалабага эришиб, иккинчи босқичга йўлланма олди. Қолган тўрт теннисчимиз мағлубият аламини тотиб кўрди.
Имтиёзли йўлланма асосида асосий тўрга қўйилган Саидаъло Саидкаримов украиналик Оликсий Колисникни 1:6, 6:2, 6:0 ҳисобида мағлуб этиб, иккинчи даврага чиқди. Унинг чорак финал остонасидаги рақиби турнирнинг еттинчи ракеткаси бельгиялик Киммер Коппеянс бўлади.
Ҳамюртларимиздан Павел Цой, Ҳумоюн Султонов, Сергей Фомин ва Жўрабек Каримов рақибларига ютқазиб, мусобақанинг яккалик баҳсларидаги иштирокларини якунлашди.
Ҳавола :
Манба : olamsport.com
Фикрлар