22 янв 10:19
Янгиликлар

Теннис

Симона Халеп Australian Open тўртинчи даврасига чиқди

Мельбурн шаҳрида ўтказилаётган "Катта Дубулға" туркумига кирувчи Австралия Очиқ чемпионати ўзининг қизғин палласига кириб улгурди.

Аёллар ўртасидаги мусобақада дунёнинг 15-ракеткаси Симона Халеп 65 дақиқа давом этган учинчи давра учрашувида WTA рейтингида 98-поғонадан жой олган черногориялик Данка Ковинични ортиқча қийинчиликсиз мағлубиятга учратди - 6/2, 6/1.

Халеп кортда ўтказган дақиқалари давомида 3 та эйс зарбани амалга оширди ва тўпни ўйинга киритишда иккита қўшхатога йўл қўйди. Рақибасининг олтита тўп узатишини ютиб олган. Ковинич эса умуман эйс зарба йўллай олмади.

Теннисчиларнинг ўзаро учрашувларидаги ҳисоб 2:0 кўринишига келди. Руминиялик теннис маликасининг тўртинчи даврадаги рақибаси франциялик Ализе Корне бўлади.