24 янв 13:40
Янгиликлар

Теннис

Симона Халеп Australian Open турниридаги иштирокини якунлади

Кутилмаганда дунёнинг 15-ракеткаси Симона Халеп Австралия Очиқ чемпионатининг нимчорак финал учрашувида мағлубиятга учради.

Руминиялик теннис маликаси 2 соату 33 дақиқа давом этган баҳсда WTA рейтингида 61-поғонадан жой олиб турган франциялик Ализе Корнега 4/6, 6/3, 4/6 ҳисобида имкониятни бой бериб қўйди.

30 ёшли Халеп учун 32 яшар Корне ноқулай рақиб бўлиб қолмоқда. Франциялик теннисчи бугунги ғалабасидан сўнг ўзаро учрашувларда 4:1 ҳисобида олдинга чиқиб олди. Энди у Australian Open чорак финалида америкалик Даниэль Коллинзга қарши кортга чиқади.