Симона Халеп Цинциннатида муваффақиятли старт олди

Сайёрамизнинг 13-ракеткаси, руминиялик Симона Халеп мусобақанинг илк даврасида WTA рейтингининг 44-поғонасидан жой олиб турган польшалик Магде Линеттга қарши кортга чиқиб, рақибасини 6/4, 3/6, 6/1 ҳисобларида мағлубиятга учратди.

Икки соату 8 дақиқа давом этган баҳсда Симона 11 та, Магда эса 4 та эйс зарбасини ижро этди. Бу теннисчиларнинг ўзаро ўтказган иккинчи учрашуви эди - 2:0. Энди Халеп иккинчи даврада америкалик Жессика Пегула ёки италиялик Камила Жоржига қарши кортга чиқади.