20 окт 07:14
Янгиликлар

Теннис

Симона Халеп "Кремль Кубоги"да муваффақиятли старт олди

Россия Федерацияси пойтахти Москва шаҳрида теннис бўйича анъанавий "ВТБ Кремль Кубоги" турнирининг асосий тўр баҳслари бошланди.

Дунёнинг 19-ракеткаси бўлиб турган руминиялик Симона Халеп турнирнинг илк даврасида WTA рейтингида 68-поғонадан жой олиб турган мезбонлар вакиласи Анастасия Потаповага қарши кортга чиқди.

Тўқсон дақиқа давом этган учрашувда Халеп рақибасини 6/1, 6/4 ҳисобларида мағлуб этди. Теннисчиларнинг ўзаро учрашувларидаги ҳисоб 2:0 кўринишига келди.