Симона Халеп ярим финалда кортга чиқа олмади

Мусобақанинг ярим финалига етиб келган сайёрамизнинг собиқ биринчи рақамли теннис маликаси Симона Халеп ярим финал учрашувида кортга чиқмади. Бунга руминиялик теннисчининг жароҳати сабаб бўлди. 

"Афсуски, ярим финалда кортга чиқа олмайман. Боиси, кечаги учрашувда тиззамни шикастлаб олдим. Охирги дақиқагача умид қилаётгандим, лекин оғриқ кучайиб кетди. Турнир ташкилотчилари ва мухлисларга раҳмат айтаман", - дея Халепнинг сўзларини келтирмоқда мусобақа матбуот хизмати. 

Шу тариқа, Симонанинг ватандоши Жаклин Кристиан курашсиз финалга йўл олди. Унинг бош соврин учун баҳсдаги рақибаси америкалик теннисчилар - Элисон Риске ёки Даниэль Коллинз бўлади.