16 май 09:04
Янгиликлар

Эшкак эшиш

Слаломда эшкак эшиш. Қитъа биринчилигида навбатдаги медаллар қўлга киритилди

Хабар берганимиздек, Хитойнинг Сияси шаҳри слаломда эшкак эшиш бўйича Осиё чемпионатига мезбонлик қилмоқда.

Мусобақанинг кечаги баҳсларида Ўзбекистон миллий терма жамоаси аъзолари жамоавий йўналишларда муваффақиятли иштирок этишди.

К1 Team йўналишида Жонибек Темиргалиев, Павел Эйгель ва Самандар Сайдуллаев шоҳсупанинг иккинчи поғонасидан жой эгаллашди. Шунингдек, C1 Team баҳсларида Анвар Клевлеев, Шерзод Қурбоналиев ҳамда Иброҳим Носиржоновдан иборат жамоамиз ҳам кумуш медаль соҳибига айланди.