26 дек 15:54
Янгиликлар
Бокс/ММА
Собиқ жаҳон чемпиони: "Баҳодир Жалолов Усикни ҳам мағлуб эта олади, фақат..."
Россиялик собиқ жаҳон чемпиони Роман Кармазин украиналик Александр Усикни мағлуб эта оладиган боксчи номини айтди.
Кармазиннинг сўзларига кўра, бу ўзбекистонлик икки карра Олимпиада чемпиони, уч карра жаҳон чемпиони Баҳодир Жалолов.
"Нега боксчилар бир хил рақиблар билан овора бўляпти? Янги номларни киритиш керак. Ўзбекистонлик Олимпия ўйинлари чемпиони Баҳодир Жалоловни олайлик. У Усикни ҳам, бошқаларни ҳам мағлуб эта олади. Фақат ким унга дарҳол катта жангларга чиқиб кетишига рухсат беради? Оғир вазн тоифасидаги барча боксчилар аллақачон бир-бирлари билан жанг қилиб бўлишган, ёшларга йўл бериш вақти келди", деди Кармазин.
Маълумот учун, Жалолов профессионал боксдаги фаолияти давомида ҳозиргача 14 та жанг ўтказиб, уларнинг барчасида ғалаба қозонган. У кейинги жангини 2025 йил 6 февраль куни Канадада Девид Спилмонтга қарши ўтказади.
Ҳавола :
Манба : sports.kz
Фикрлар