Сондерс WBO камаридан воз кечди, у ташкилотни судга беради

Аслида британиялик боксчи чемпионлик камарини Деметриус Андрейддан ҳимоя қилиши керак эди. Лекин чемпионнинг қон таркибида оксилофрин стимулятори аниқлангани боис, жанг бекор қилинганди.

Бутунжаҳон антидопинг агентлиги (WADA) ҳамда Британия антидопинг агентлиги (UKADA) қоидаларига кўра ушбу препаратга фақат мусобақа ўтказилаётган пайтда тақиқ қўйилган. Массачусетс штати Спорт комиссияси эса Сондерсга АҚШда жанг ўтказиш ҳуқуқини берувчи бокс лицензиясини тақдим этмади.

Хуллас юзага келган ҳозирги ҳолатда Сондерс ва унинг жамоаси агентликлар билан судлашмоқчи. Вакант бўлиб қолган чемпионлик камари учун эса 20 октябрь куни WBO рейтингида биринчи ўринни эгаллаб турган Деметриус Андрейд ҳамда иккинчи поғонадан жой олган Уолтер Каутондоква ўртасида жанг ўтказилади.