UZ

Сўнгги янгиликлар

16:16Баходир Жалолов Деонтей Уайлдерга рақиб сифатида таклиф қилинди 0 15:29Бугун "Нефтчи" Суперлигада чемпион бўлиши мумкин 0 14:45Руслан Абдуллаев эртанги жанги олдидан медиа тадбирларда иштирок этди 0 13:26UFC Рамазон Темировни яна допинг текширувидан ўтказди 0 12:39"Ҳисоб 2:2 бўлади". Мераб яна Петр Ян билан жанг қилмоқчи 0 11:12U-17 ЖЧ. Бугун Ўсмирларимиз мусобақадаги юришини бошлайди 0 10:01UFC турнири Қозоғистонда 2027 ёки 2028 йилдаёқ ўтказилиши мумкин 0 08:52UFC 2027 йил март ойида Японияда турнир ўтказиши мумкин: Темировнинг кейинги жанги кунчиқар юртда бўладими? 0 07:11Бугун 9 нафар дзюдочимиз жаҳон чемпионати медаллари учун курашади (Жуфтликлар) 0 19:25“Арсенал” 3 нафар футболчиси билан шартномани узайтирмоқда 0 18:44Муҳаммаджон Машарипов — ёшлар ўртасидаги Жаҳон чемпиони! 0 18:24"Жаҳон чемпионлик камари учун жанг - унинг қайтишига туртки бўлиши мумкин" - менежер Кличко ҳақида гапирди 0 17:41UFC 2021 йилдан бери жанг ўтказмаган спортчини четлатди 0 16:36Исраэль Адесанья UFC Qatar турнирининг марказий жанги учун тахмин берди 0 15:55Тошкентда ўтадиган Жаҳон кубогида иштирок этадиган боксчиларимиз таркиби эълон қилинди 0

25 июл 17:58
Янгиликлар

Тадбирлар

Спортчиларга ижодий имтиҳонларда энг юқори балл синов натижаларсиз қўйиб берилмоқда

Теглар :  ЎзДЖТСУ
Бугун Ўзбекистон давлат жисмоний тарбия ва спорт университетида Спорт фаолиятининг 40 та спорт таълими йўналишлари бўйича касбий (ижодий) имтиҳонлар бошланди.

Имтиҳонлар Республика Олимпия ва паралимпия спорт турларига тайёрлаш маркази, “Сув спорти турлари бўйича Республика олий спорт маҳорати мактаби” тасарруфидаги эшкак эшиш базаси, Пахтакор стадиони, Теннис олимпия академияси, “Ҳумо Аренаси” ва “ICE CITY” муз мажмуаларида ҳамда Тошкент вилояти Чирчиқ шаҳри спортчилар кўчаси 19-уйда жойлашган университетнинг спорт заллари ва майдонларида ташкил этилмоқда.

Касбий (ижодий) имтиҳонлар танланган спорт таълими йўналиши бўйича 2023 йил 24-31 июль кунлари бўлиб ўтади. Жорий йилдан 2022 йил 3 ноябрдаги  Ўзбекистон Республикаси Президентининг “Жисмоний тарбия ва спорт соҳасида кадрларни тайёрлаш ҳамда илмий тадқиқотлар тизимини янада такомиллаштириш чора-тадбирлари тўғрисидаги” ПҚ-414-сон қарорига асосан Ўзбекистон давлат жисмоний тарбия ва спорт университети ва унинг филиалларига "Спорт фаолияти (фаолият турлари бўйича)" бакалавриат таълим йўналишига камида иккинчи спорт разрядига эга бўлган, "Спорт турининг алоҳида йўналишлари" магистратура мутахассислигига эса камида Ўзбекистон спорт усталигига ёки Ўзбекистон гроссмейстерлигига номзод спорт разрядига эга бўлган абитуриентлар қабул қилинмоқда.

Шуни алоҳида таъкидлаш лозимки, 2023/2024 ўқув йилидан бошлаб Университет ва унинг филиалларида ҳамда бошқа олий таълим муассасаларининг жисмоний тарбия ва спорт соҳасидаги таълим йўналишларига ҳужжат топширган Ўзбекистон Республикасида хизмат кўрсатган спортчи фахрий унвонига эга бўлган спортчилар, Халқаро тоифадаги Ўзбекистон спорт устаси ёки халқаро гроссмейстер спорт унвонига эга бўлган спортчилар, Ўзбекистон спорт устаси ёки Ўзбекистон гроссмейстери спорт унвонига эга бўлган спортчилар, Олимпия ва Паралимпия, Осиё ва Параосиё ўйинлари дастурига киритилган спорт турлари бўйича республика чемпионатларида охирги бир йилда ғолиб (1-ўрин) бўлган спортчилар касбий (ижодий) кириш имтиҳонларини топширишдан озод қилиниб, уларга максимал балл қўйиб берилмоқда.

Шунингдек, инсон омилининг таъсирини кескин камайтириш, имтиҳонларнинг шаффоф ўтишини таъминлаш мақсадида рақамлаштириш тизими жорий этилган. Касбий (ижодий) имтиҳон натижалари реал вақт режимида планшет орқали “Ижодий имтиҳон” ахборот тизимига онлайн киритилиб, бир вақтнинг ўзида якуний натижалари бўйича абитуриентларга смс хабарлар юборилмоқда.

Имтиҳонларни шаффоф ва адолатли ўтказиш мақсадида имтиҳон олувчи мутахассислар спорт ташкилотлари, спорт федерацияларидан жалб этилганлигини алоҳида қайд этиш лозим.

Касбий (ижодий) имтиҳонлар ўтказиладиган барча спорт мажмуалари видеокузатув камералари билан жиҳозланган бўлиб, зарур воситалар билан таъминланган. Холислик ва шаффофликни таъминлаш мақсадида имтиҳонларни ўтказиш жараёнлари жонли тарзда imtihon.jtsu.uz:81 интернет платформаси орқали узатиб борилмоқда. 

Шу билан бирга абитуриентларнинг ота-оналари жараёнларни университет ҳовлисига ўрнатилган мониторлар орқали кузатиб боришмоқда.

Анварбек ЖУМАНИЯЗОВ, Ўзбекистон давлат жисмоний тарбия ва спорт университети Жамотчилик билан алоқалар бўлими бошлиғи

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг