Стерлинг Двалишвилининг мағлубияти ҳақида: "Мераб ғалати кўринди"

Шу вазнда собиқ UFC чемпиони ҳисобланган америкалик аралаш яккакураш устаси дўсти ва жамоадошининг баъзи ҳаракатлари ғалати кўринганини таъкидлади.

"Пётр ва унинг жамоасини табриклайман. Улар аъло даражада жанг ўтказишди ва ажойиб тузатишлар киритишди. Мераб билан жангни қайта кўриб чиқишни ва унинг қайтишини режалаштиришни сабрсизлик билан кутяпман! Баъзида Мераб бироз ғалати кўринарди, лекин эҳтимол, Ян уни ўз ҳаракати билан айнан шунга мажбур қилгандир? Ҳаммасини кўриб чиқиб, жароҳатларни даволаб қайтамиз. Жангчининг йўли шу. Умид қиламанки, бу жанг сизга ёқди. Кейинги сафар кўришгунча!", - деб ёзди америкалик жангчи ижтимоий тармоқдаги саҳифасида.

Якшанба тонггида Лас-Вегасда бўлиб ўтган UFC 323 турнирида Мераб Двалишвили Пётр Янга очколар ҳисобида ютқазиб, ўта енгил вазн тоифасидаги чемпионлик камарини бой берганди.