23 сен 11:50
Янгиликлар
Теннис
Султонов Чимкент турнири финалида, Файзиев мағлуб бўлди
Қозоғистоннинг Чимкент шаҳрида давом этаётган теннис бўйича соврин жамғармаси 10 минг АҚШ долларидан иборат турнир ўзининг ҳал қилувчи палласига кирди.
Бугун турнирнинг яккалик баҳсларида ярим финал учрашувлари ўтказилди. Мусобақанинг биринчи ракеткаси сифатида қайд этилган ҳамюртимиз Санжар Файзиев турнирнинг тўртинчи рақамли иштирокчиси, эстониялик Владимир Ивановга қарши кортга чиқди. Икки соату 21 дақиқа давом этган баҳсда Иванов 6:1, 4:6, 6:3 ҳисобида зафар қучди.
Яна бир теннисчимиз, 17 ёшли Ҳумоюн Султонов эса финал йўлланмасини қўлга киритди. У турнирнинг олтинчи ракеткаси россиялик Иван Давидовни 6:3, 6:1 ҳисобида мағлуб этиб, финалга чиқди.
Эътиборлиси, Ҳумоюн иккинчи босқичда турнирнинг учинчи ракеткаси россиялик Виктор Балудани 7:6(5), 6:3 ҳисобида енгиб, ўзига хос шов-шув кўтарган эди.
Ҳавола :
Манба : olamsport.com
Фикрлар