28 ноя 10:41
Янгиликлар

Теннис

Султонов Туркияда асосий тўрга чиқишга уриниб кўради

Истеъдодли теннисчимиз Ҳумоюн Султонов Туркиянинг Анталия шаҳри мезбонлик қилаётган турнирда ўз имкониятини синовдан ўтказяпти.

Ҳамюртимиз соврин жамғармаси 15 000 долларни ташкил қилувчи мусобақанинг саралаш баҳсларида иштирок этмоқда. Саралашда учинчи рақам остида таснифланган Султонов бироздан сўнг асосий тўрга йўлланма берувчи учрашувда боливиялик Луис Диего Виллалпандо Чавесга қарши кортга чиқади.

Маълумот учун, Ҳумоюн саралаш босқичининг биринчи даврасида Хитой Тайпейи вакили Банг Чуо Йинни 6:1, 6:2, иккинчи босқичда туркиялик Гокберк Эргенеманни 1:6, 7:6(6), 6:1 ҳисобида мағлуб этган эди.