02 дек 09:27
Янгиликлар

Теннис

Султонов Туркиядаги турнирда финалга чиқди

Истеъдодли теннисчимиз Ҳумоюн Султонов Туркиянинг Анталия шаҳри мезбонлик қилаётган турнирнинг жуфтлик баҳсларида иштирок этяпти.

Ҳамюртимиз соврин жамғармаси 15 000 АҚШ долларини ташкил қилувчи мусобақанинг жуфтлик баҳсларида ярим финал учрашувини ўтказди. Султонов туркиялик Гокберк Эргенеман билан жуфтлик ҳосил қилган.

Улар 1 соату 25 дақиқа давом этган ярим финал учрашувида турнирнинг тўртинчи рақамли жуфтлиги - германиялик теннисчилар Ян Чоински ва Петер Торебкони 7:5, 6:3 ҳисобида таслим этишди.