Суперлига. Бугун 8-турнинг охирги учта ўйини бўлади

"Бунёдкор" - "Қўқон-1912"

Бу мавсум ҳали ўз стадионларида умуман ўйин ўтказмаган икки клуб тўқнашуи. Бу турда "қалдирғочлар" ТТЙМИ стадионда ўйнашади.

Бу жамоалар бугунга қадар Ўзбекистон чемпионатида саккиз марта рўбаро келишган. Учршувларнинг олтитасида “Бунёдкор” ғалабага эришган. Икки учрашувда "Қўқон-1912" рақибдан устун келган.

"Бунёдкор" ҳам, "Қўқон-1912" ҳам икки турдан буён юта олмаяпти. 

"Сурхон" - "Бухоро"

Бу клублар Ўзбекистон чемпионатида 24 марта тўқнаш келишган. Катта устунлик "Бухоро" томонида - 15 ғалаба. Беш бор "Сурхон" 3 очкога эга чиққан ва 4 марта дуранг кузатилган.

Охирги учта ўзаро ўйиннинг барчасида "Бухоро" ғолиб бўлган экан.

Бу мавсумда "Бухоро" учта учрашувдан буён ғалаба қозона олмаяпти. "Сурхон"да эса ғалабасиз серия 4та ўйинга етди. Бундан ташқари термизликлар 4та ўйиндан буён гол ура олишмаяпти.

"Сурхон" бу йил ўз майдонида умуман ютқазгани йўқ (1 ғалаба ва 3 дуранг). "Бухоро" эса сафарда учта ўйин ўтказиб уч хил натижа қайд этди (ғалаба, дуранг ва мағлубият). 

"Металлург" - "Локомотив"

“Локомотив” шу пайтга қадар “Металлург”га қарши 30та баҳс ўтказган. Ўзаро ўйинларнинг 18тасида “темирйўлчилар” жамоаси зафар қучган. 4та беллашувда эса “кончилар”нинг “қўли баланд” келган. Яна 8та ўйин дуранг билан ниҳоясига етган.

“Темирйўлчилар” Бекободда “Металлург” билан ўтган 15 баҳснинг 6тасида ғалаба қозонган бўлса, 4 баҳс томонларнинг кучи тенг келган. Яна шунча ўйинда бекободликлар ўз уйларига ғалаба билан қайтишган.

"Металлург" бу мавсум ўз майдонидаги учта ўйиннинг барчасида рақибларини мағлуба эта олди. "Локомотив" эса сафарда икки учрашувда майдонга тушди ҳамда бир ғалаба ва бир мағлубият қайд этди.