Суперлига. Бугун "Турон" Қаршида меҳмон, "Локомотив" эса "Қизилқум"га қарши

Соат 16:15да "Локомотив" - "Қизилқум" учрашуви старт олади. Қаршидаги "Насаф" - "Турон" баҳси эса соат 18:30га белгиланган. 

Coca Cola Суперлига, 4-тур

ЛОКОМОТИВ – ҚИЗИЛҚУМ
3 апрель 2021 йил. Тошкент. "Локомотив" стадиони. 16:15
Ҳакамлар: Элёр Турсунов, Шоҳруҳ Аъзамов, Александр Буров, Найим Қосимов
Назоратчи: Дмитрий Роман
VAR ҳаками: Азиз Асимов
VAR ассистентлари: Руслан Серазитдинов, Рустам Лутфуллин
VAR назоратчиси: Фарҳод Абдуллаев
Оператор: Шерали Жаналиев
Техник мутахассис: Отабек Содиқов
Комиссар: Муҳаммад Содиқ Содиқ-Охунов

Ҳозирга қадар "Локомотив" ва "Қизилқум" Ўзбекистон чемпионатида жами 32 марта тўқнаш келишган. 18 бор "темирйўлчилар", 7 бор "олтин изловчилар" 3 очкони қўлга киритишган. Қолган етти учрашувда дуранг кузатилган.

"Локомотив" бу жамоага қарши кечган охирги 14та ўйиннинг (уйда ва сафарда) ҳеч бирида мағлуб бўлмаган - 11та ғалаба ва 3та дуранг. Сўнгги бор "Қизилқум" 2013 йилги мавсумда бу рақибни мағлуб этган экан.

Тошкентдаги ўйинларга эътибор қилсак, 16та ўзаро ўйинда "Қизилқум" икки марта (2012 ва 2005 йилларда) ғолиб бўлган холос. Ўтган йил Тошкентда мезбонлар 3:0 ҳисобида зафар қучишган ва Навоийда 1:1 ҳисоби қайд этилган.

НАСАФ – ТУРОН
3 апрель 2021 йил. Қарши. "Марказий" стадион. 18:30
Ҳакамлар: Вадим Агишев, Бектурсин Канназаров, Жалғасбай Сарсенов, Шухрат Ражабов
Назоратчи: Бахтиёр Тоғаев
Комиссар: Шерзод Ражабов.

Бу жамоалар ўртасидаги дастлабки расмий ўйин. Иккала жамоа ҳам бу мавсумда ҳали ғалаба қозонгани йўқ. Дастлабки 3та турда "Турон" 1та дуранг ва 2та мағлубият қайд этди. "Насаф" эса 2та дуранг ва 1та мағлубият қайд этди.