23 окт 20:41
Янгиликлар

Футбол

Суперлига. Марказий ўйинда Бикмаев яна гол урди ҳамда турнинг бошқа натижалари

Бугун футбол бўйича Ўзбекистон Суперлигасида 27-турнинг учта учрашуви бўлиб ўтди.

Турнинг марказий ўйини Тошкентда пешқадам "Локомотив" ҳамда Наманганнинг "Навбаҳор" жамоалари ўртасида ўтказилди. Ўйиннинг 76-дақиқасида Марат Бикмаев томонидан киритилган ягона гол "темирйўлчилар"га муҳим уч очкони тақдим этди.

Қуйи гуруҳда иштирок этаётган Қаршининг "Насаф" жамоаси ўз майдонида Жиззахнинг "Сўғдиёна"сини йирик 3:0 ҳисобида доғда қолдирди. Ўйинда Бобур Абдихолиқов дублга эришди. Яна бир гол Шароф Муҳитдинов ҳисобига ёзилди.

Турнинг яна бир учрашувида "Қизилқум" клуби ўз мухлислари кўз ўнгида Ўзбекистон Кубоги финалчиси Олмалиқнинг АГМК жамоасидан 2:1 ҳисобида устун келди. Меҳмонлардан ягона жавоб тўпига Камолиддин Мурзоев муаллифлик қилди.